533
[1558]
DE LA VILLE DE PARIS.
cens muys bled, pour mener en la ville de Com-piengne, suyvant le voulloir et intention du Roy, par les Lettres patentes dudit Ssr cy atachées. «
Ainsi signé: "Varlet".
k Veues les Lettres du Roy, datte d'icelles et causes
y contenues, ne peust estre la presente requeste en­térinée.
"Faict au Bureau de lad. Ville, le xvi0 Avril vc lviii après Pasques, v
Signé: "Perrot, Messier, de Thou, Marcel".
MVIII. — Semonce faitte à Mess™ de la Ville
DES NOPCES ET ESPOUSAILLES DE MONSEIGNEUR LE DAULPHIN.
22 avril 1558. (Fol. a83 v°.)
L'an mil cinq cens cinquante huit, le vingt deuxiesme jour d'Avril, vint au Bureau de la Ville de Paris, par devers Mess™ les Prevost des Marchans et Eschevins d'icelle, le sr de Chemaulx'1', m° des Ceremonyes du Roy; lequel dit et declaira à mesd. Srs que ie Roy l'avoit envoyé par devers eulx el leur compaignée les semondre de eulx trouver, dimanche prochain de huit à neuf heures du matin, en l'eglise Nostre Dame de Paris, pour illec assister à la celebration du mariage de Monseigneur le Daulphin, et après se trouver au soupper au Palais avec Mess" des Cours souveraines, sans monstrer aucunes lettres ne roolle de semonce.
Et combien que la loy impérialle, capitulo de mandatis Principum, dicit quod non debet credi alicui dicenti se esse legatum aut a Principe missum, nisi osten-dat et exibeal in effectu literato (sic) sue legalionis aut missionis; toutes foys, estans advertiz des preparatifz qui se faisoient, et que led S-T voulloit que led. ma­riage feust le plus celebré que oncques fut faict, luy fut faict responce par mond. sr le Prevost qu'il re­mercioit trés humblement la Majesté du Roy du bien et de l'honneur qu'il luy plaisoit faire à lad. Ville, et qu'il ne fauldroit à eulx y trouver comme trés humbles et obeyssans serviteurs et subjectz dud. S-r.
Ce faict, Messrs Marcel et Messier, Eschevins de lad. Ville, et le Procureur du Roy et d'icelle Ville, furent delleguez par Ie Bureau pour aller par devers Monseigneur Illustrissime et Reverandissime Cardi­nal de Lorraine, luy faire entendre lad. semonce, et savoir dud. sr Cardinal en quel habit le Roy enten­doit qu'ilz assistassent aud. mariage. Lequel leur auroit declairé que led. S-r entendoit que ce feust en robbes de soye aux livrées de lad. Ville, aux despens dud. Ssr, à prandre les deniers sur les fermes appar­tenans à icelluy S-"r, dont la teneur ensuit.
HENRY, PAR LA GRACE DE DlEU RoY DE FRANCE,
A noz aînez et feaulx les gens de noz Comptes, salut et dillection.
"Comme pour la celebration des nopces de noz trés chers et trés amez filz le Daulphin de Viennois, et de nostre 1res chère et trés amée fille la Royne d'Ecosse, nous avons ordonné à noz trés chers et bien amez les Prevost des Marchans et Eschevins, Procureur, Greffier, Receveur et Contrerolleur de nostre bonne Ville et Cité de Paris, d'y assister avec robbes de soye, selon et ainsi qu'ilz ont acoustumé es Entrées de nous, à noz fraiz et despens, à iceulx prandre sur noz Aydes engagées à icelle Ville.
"Pour ce est il que nous vous mandons, com­mandons et trés expressement enjoignons que, en procedant à la closture du compte du Receveur de lad. Ville, vous passez et allouez la despence qui se fera pour l'achapt des robbes selon l'Ordonnance que lesd. Prevost des Marchans et Eschevins feront expedier aud. Receveur, en rapportant ces presentes signées de nostre main avec quittance où il escherra, non obstant que les deniers soient destinez pour employer en rachapt des rentes constituées sur lesd. Aydes : à quoy nous avons desrogé et desrogeons par cesd, presentes et à toutes autres ordonnances, mandemens, restrinctions et deffences à ce con­traires.
"Donné à Paris, le xxn° jour d'Avril l'an de grace l'an mil cinq cens cinquante huit, et de nostre regne le xne, après Pasques, n
Signé: "HENRY". "Par le Roy, Monseigneur le Cardinal de Lorraine present, Clausse".
Et scellé, sur simple queue de cire jaulne, du grant scel dud. Sgr.
--' Jean Pot, seigneur de Rodes et de Chemault en Gâtinais, prévôt et maitre des Cérémonies, avait été précédemment chargé de diverses ambassades en Flandres et en Angleterre (voir de La Ferrière : Lettres de Catherine de Médicis, t. I, p. 492).